مجدى شلبى : طراطير

طراطير

مجدى شلبى

وقف الخلق زحام وطابور

فيه من دخـل الباب العالى

من غير إحــم ولا دســتور

إسـتحملت وقلــــت فـ بالى

هـانت بكــره يجيـك الـدور

***

بعــد سـنين الصـوت بيلالى

واحــد نطـق الإســم الغالــى

كـانت ضلمـه ، صبحت نـور

هوبا جريت بقى كـده طوالى

قام سلمنى يدوب ...طرطـور

***

ـ إلبس ... زى الخلـق أمامك

إلبس ... زى الخلـق إمامـك

إلبس ... زى الخلـق أُمامـك

مش محتـــاج الأمــر لشــور

واوعى الشرف اللى ماخلالك

لقمــه فـ دارك أو كســــتور

يمنــع لبســك ... للطرطـور

***

قمـــت رفضــت أغمــى عنيــــه

أو يربطـنــى فـ سـاقيـــــه تـدور

أو يتــغــيـــــــر دمــــى بميـــــه

أنــا إنســان إحســاس وشـعـور

راضى بعيشتى ال100 ال100

قـــرش حـرام لا ياعــــم يغـــور

***

قاللى اتلهـى ياخويـه شويه

إمــاك فقـــرى أو قنعـــــــور

سيبنا خلاص وبلاش مناحيه

واعلــــم بقـــى كلبنا مسعور

***

خايف منك ؟ لأ مش خايف

دانته حرامى وربك شــايف

ظلمـك ظاهــر مش مستـور

مش مداريه حتى الطرطـور

ــــــــــــ

* استمع لهذه المقطوعة الزجلية على الرابط :

http://www.4shared.com/audio/EQoQy_uS/_______00_00_00-

00_01_29.html

واقرأ أيضاً (رقصة الطرطور) على الرابط : http://pulpit.alwatanvoice.com/articles/2011/06/21/230932.html